Қаз
Рус
"Қорғас" шекара аумағында жаппай төбелес орын алды
Әлеуметтік желіде "Қорғас" шекара маңы ынтымақтастығы халықаралық орталығы аумағында жаппай төбелес болғаны туралы бейнежазба тарады, - деп хабарлайды "Opennews.kz" ақпарат агенттігі.
"Кейбір дереккөздердің хабарлауынша, "Қорғас" ШЫХО-да белгісіз біреулер мен учаскелік полиция қызметкерлерінің қатысуымен тағы да төтенше жағдай орын алды. Алайда белгісіз себептермен құқық бұзушыларды ұстамай отыр", - делінген видео астындағы жазбада.
Жетісу облысының полиция департаменті жағдайға қатысты түсініктеме берді. Сонымен бірге, департамент төбелеске қатысушылардың барлығы ұсталды - 20-26 жас аралығындағы жергілікті тұрғындардан 12 адам ғана ұсталды. Олар аудандық полицияның уақытша ұстау изоляторына қамалды.
"Оқиға "Қорғас" ШЫХО аумағында қыркүйектің 6-сы күні болды. Төбелеске қатысқан 20-26 жас аралығындағы 12 жергілікті тұрғын ұсталды. Олар аудандық полицияның уақытша ұстау изоляторына қамалды. Тергеу ҚР Қылмыстық кодексінің 293-бабы (Бұзақылық) бойынша жүргізілуде. Оқиға орнынан травматикалық тапанша тәркіленіп, қылмыстық іс материалдарына қосылды. Тергеу амалдары облыстық департаменттің бақылауында", - делінген хабарламада.
