Екі баланың әкесі қыз зорлап, 5 жылға сотталды
1 350
Павлодарда қыз баланың дәрменсіз жағдайын пайдаланып, зорлаған ер адам сотталды. Іс жабық есік артынды қаралды, - деп хабарлайды "Opennews.kz" ақпарат агенттігі.
Іс материалдарына сәйкес, сот отырысында екі баланың әкесі отырған. Жарыссөз барысында сотталушы өз кінәсін мойындаған жоқ. Ал өзі мен оның қорғаушысы ақтау үкімін сұрады.
Алайда оның кінәсі жәбірленушінің, куәлардың айғақтарымен, сот сараптамасының қорытындыларымен және сот зерттеген басқа да дәлелдемелермен расталады.
«Жәбірленушінің дәрменсіз жағдайын пайдаланып зорлағаны үшін (Қылмыстық кодекстің 120-бабының 1-бөлігі) заңда жаза ретінде тек 5 жылдан 8 жылға дейінгі мерзімге бас бостандығынан айыру қарастырылған. Сот оң белгілерін, соттылығының жоқтығын, сотталушының жастығын және оның қамқорлығында кәмелетке толмаған екі баласының бар екенін ескере отырып, 5 жыл мерзімге бас бостандығынан айыру жазасын жалпы режимдегі түзеу мекемесінде өтеу туралы үкім етті», - делінген хабарламада.
Үкім заңды күшіне енген жоқ.
