Тексеріс келгенде ғана мектеп дәретханасына қойылатын қағазды видеоға түсірген оқушы басшылықтан қысым көруде
Ақтауда №3 орта мектептің оқушысы дәретханадағы сұйық сабын мен дәретхана қағазын тексеріс кезінде ғана қойылғанын айтып, желіде бейнежазба жариялаған, - деп хабарлайды "Opennews.kz" ақпарат агенттігі.
Бейнежазбаны түсірген қыз мұндай оң өзгерістер комиссияның келуіне байланысты деп болжады. Нәтижесінде мектеп басшылығы қызды қорқытпақ болған. Оған ата-анасына айыппұл салынып, олардың жұмысында қиындықтар туындайды деп қорқытқан. Оған мектеп атынан олимпиадаларға қатысуға тыйым салынды.
Қыз түсініктеме жазып, мектеп қабырғасындағы дәретханада сұйық сабынды бірінші рет көргеніне таңғалғанын айтты.
Балалардың құқықтарын қорғау комитеті баланың анасымен байланысқа шықты. Ведомствода оның құқықтарының бұзылуына жол берілмейтіні туралы хабарланды.
“Ұлттық заңнамада баланың сөз бостандығына, өз пікірін білдіру, өзінің қоғамдық ұстанымын көрсету құқығы бекітілген. Білім беру ұйымдарының барлық басшылары мұны нақты білуі керек және балаларға әлеуметтік белсенділігін дамытуға көмектесуі тиіс. Тәрбие процесінде тыйым салу, қорқыту, бопсалау әдістеріне жол берілмейді!” – деп атап өтті Комитетте.
Сондай-ақ ведомство өз ұстанымын көрсететін және оның құқықтарының бұзылғаны туралы хабарлаған әрбір баланы қолдайтынын айтты.
