"Жұмысқа тұруды QR-мен шешеміз" – министр
1 211
Digital Bridge 2023 аясында өткен конференцияда Цифрлық даму министрі Бағдат Мусин еліміздегі нотариаттық қызмет жайлы айтты, - деп хабарлайды "Opennews.kz" ақпарат агенттігі BAQ.KZ сайтына сілтеме жасап.
Елімізде біраз құжатты үйден шықпай-ақ электронды түрде реттеуге болады. Мысалы, жұбайыңыз сізден бөлек қалада тұрса да, электронды үкіметке кіріп жұмысыңызды жылдам аяқтай аласыз. Мұндай жетістікпен тек бірнеше ел мақтана алады, – деді Мусин.
Министрдің дерегінше, биыл 9 айда 18 мың құжат рәсімделген. Сондай-ақ Мусин жұмысқа тұру үшін жиналатын анықтаманың азаятынын айтады.
Бүгінгі таңда жұмысшылар бума-бума анықтама жинап, кадр бөліміне тапсырып жүр. Бүгін жобаны Президентке таныстырдық, яғни алдағы уақытта бір QR-дың көмегімен жұмысқа тұрып, еңбек шартына қол қоятын етіп жасаймыз , – деді Цифрлық даму министрі.
Еске салсақ, Digital Bridge 2023 аясында өткен конференцияда Цифрлық даму министрі Бағдат Мусин аналарға арналған тиімді электронды қызмет туралы айтқан болатын.
