Белгісіз адам әйелді соққыға жығып, зорлап кеткен
Павлодарлық әйел аяусыз соққыға жығылып, зорлық-зомбылықтың құрбаны болғанын мәлімдеді, - деп хабарлайды "Opennews.kz" ақпарат агенттігі.
Соққыға жығылған әйел желіге бейнехабарлама жазып, енді өзі үшін ғана емес, балалар үшін де қорқатынын айтты. Әйел қаскөйдің қатаң жазалануын талап етеді.
"Қарсыласқаныма қарамай, мені зорлады. Содан кейін ол маған шабуыл жасап, қол-аяғымен тұншықтыра бастады, аяғымен басымды қысып, “сені өлтіремін, саған ешкім көмектеспейді" деді. Мені ауыр жағдайда ауруханаға алып кетті, есімді де білмедім”, – дейді жәбірленуші.
Әйелдің көптеген гематомалары бар. Көзі тігілді, мұрын сынып, иығы зақымдалған, құлақтың, жақтың, тілдің ұюы байқалады, миы шайқалған. Оның айтуынша, қазіргі таңда оған сөйлеу және жұтыну қиындық туғызады.
“Бұл адам бостандықта жүр, мен өз өмірім мен балаларымның өмірінен қорқамын. Себебі менің екі қызым бар", — деді павлодарлық әйел.
Полиция департаменті бұл факт бойынша сотқа дейінгі тергеу жүргізіліп жатқанын хабарлады. Ер адам ұсталды.
"Қатыгездікпен зорлау фактісіне қатысты күдікті ұсталып, Павлодар қаласының уақытша ұстау изоляторына қамауға алынды. Қылмыстық кодекстің 120-бабы “Зорлау” бойынша сотқа дейінгі тергеп-тексеру жүргізіледі. Бірқатар қажетті сараптамалар тағайындалды", – деді Павлодар облыстық полиция департаментінің бастығы Василий Скляр.
