Назарбаевты қорғау ұлттық қауіпсіздік комитетінің міндетінен алынады

Тұңғыш президент Нұрсұлтан Назарбаевтың қауіпсіздігін ұлттық қауіпсіздік комитетінің жауапкершілігінен алып тастауы мүмкін, - деп хабарлайды "Opennews.kz" ақпарат агенттігі.

Енді ҰҚК Назарбаевтың қауіпсіздігін қамтамасыз етпейді.

Ұлттық қауіпсіздік комитеті туралы ережеге функцияларын жетілдіру, арнаулы мемлекеттік орган қызметкерінің ант беру мәтініне және оны қабылдау қағидаларына өзгерістер мен толықтырулар енгізу жоспарланып отыр.  Қазақстан Республикасының Тұңғыш президентінің қауіпсіздігін ұлттық қауіпсіздік комитетінің міндеттерінен алып тастап, тек президенттің қауіпсіздігін қалдыру жоспарланған.

"Қазақстан Республикасының тұңғыш президенті – Елбасы туралы" Конституциялық заңының күші жойылды деп тану туралы" 13 ақпандағы Қазақстан Республикасының Конституциялық заңымен күші жойылды.

Еске салсақ,  биыл жыл басында сенат спикері Мәулен Әшімбаев Назарбаевқа берілген "Құрметті сенатор" атағын алып тастағанын мәлімдеді.  

Ал қазан айында Қазақстанның бірінші президенті Нұрсұлтан Назарбаев атында болған Ұлттық қорғаныс университетінің атауы өзгертілген еді. Сондай-ақ биыл қазанда Назарбаев Ұлттық қорды басқару кеңесінің құрамынан шығарылды.