Қызылордада оқушыға жыныс мүшесін ұстатты деген күдікпен мұғалім қамауға алынды

8 желтоқсан 2023, 09:59

5 483

Қызылордада қала мектептерінің бірінде кәмелетке толмаған оқушыға жыныс мүшесін ұстатты деген күдікпен дене шынықтыру пәнінің мұғалімі қамауға алынған,- деп хабарлайды "Opennews.kz" ақпарат агенттігі.

Оқиға желтоқсан айының 6-сы күні орын алған. Қала тұрғыны 102 арнасына хабарласып кәмелетке толмаған оқушыға Қызылорда қаласының білім бөліміне қарасты мектебінің дене шынықтыру пән мұғалімі тарапынан сексуалдық сипаттағы азғындық әрекеті жайында хабарлама түскен. Жедел тергеп-тексеру әрекеттері аясында күдікті деп танылған дене шынықтыру пәнінің мұғалімі қамауға алынған. Алайда қалалық білім бөлімі

"Аталған мәселеге байланысты құзырлы орган тарапынан тиісті құқықтық жұмыстар жүргізілуде. Нәтижесі қосымша хабарланатын болады",- деп жауап берген.

Десе де Қызылорда қаласына қарасты полиция департаменті

"Аталған факт бойынша Қылмыстық кодекстің 124-бабы (Жас балаларды азғындық жолға түсіру) бойынша қылмыстық іс қозғалып, сотқа дейінгі тергеу амалдары жүргізілуде, күдікті уақытша ұстау изоляторына қамауға алынды. Тиісті сараптамалар тағайындалды. Қылмыстық-процестік кодекстің 201-бабына сәйкес сотқа дейінгі тергеп-тексеру бойынша дерек жария етілмейді", – делінген Облыстық полиция департаментінің хабарламасында.",- делінген хабарламада.

Ал Бала құқықтары жөніндегі уәкіл және де  Ұлттық азаптаудың алдын алу тетігінің топ жетекшісі  Жапырақ Ұзақбаева  өзінің әлеуметтік желідегі парақшасына бір емес 2 бірдей оқушыға азғындық жасамақ болғандығын растаған. 
 "Кәмелетке толмаған 2 оқушысын Қызылорда Қаласының Білім Бөліміне қарасты мектебінің пән мұғалімі тарапынан сырт киімінің сыртынан жыныстық мүшелерін сипау фактісі бойынша арыз түскен. Аталған дерек бойынша ҚР Қылмыстық Кодексінің 124 бабымен сотқа дейінгі тергеп тексерудің біріңғай тізіліміне тіркеліп, жұмыстар жүргізілуде." , - деп жазды.

Осы бір жантүршігерлік оқиғаның салдарынан бірқатар лауазымды тұлғалар қызметтерінен босатылады ма? Алайда бұл мәселенің түйінін тарқата ала ма? Болған оқиға туралы жоғарыда айтқанымыздай, барлық баспасөз құралдары мен әлеуметтік желілер жарыса жазды. Сондықтан біз бұл жағдайдың қалай өрбігені жайлы тәптіштеп жатудан аулақпыз. Алайда мұндай әрекеттің ендігәрі қайталанбауына кім кепілдік бере алады? Жылы орынға жайғасқан басшыларымыз орны ауысса да мәселе оңалмаса не қайыр?

Қоғамның қазіргі жағдайында, қоғамдық сананы жаңғырту басты мәселе. Соңғы кезде облысымызда жиі орын алып жатқан оқиғалар бүкіл қазақтың намысын таптап, өрімдей қыздардың арын төгіп, ер азаматқа деген сенімді жоғалтқандай. Сонда біз өз ер азаматтарымыздан қорғануымыз керек пе? Бүгінде барлық оқу орындарында жас ұрпаққа рухани - адамгершілік, инттеллектуалдық тәрбие берілуде. Бірақ балаға зорлық-зомбылық жасайтын адамды калай танып білеміз? Біздегі идеологияның дамыған сатысы осы болғаны ма?

Педофилдердің озбырлығына ұшырап, соңы өліммен аяқталған жағдайлар өкінішке орай көп кездеседі. Осындай жағдайға душар болған «он екіде бір гүлі ашылмаған» өрімдей балғындардың ертеңгі күні не болмақ? Алдымен осыған баса ден қойғанымыз жөн секілді. Психологиялық ауыр соққы алған олар келешекте қоғамға бейімделіп кете ала ма? Мәселе осында жатыр. Себеппен күрескенде салдарына да мән бергеніміз абзалырақ.