Kaspi.kz $650 млн еурооблигация шығарылымын табысты орналастырды
2 259
Kaspi.kz $650 млн еурооблигация шығарылымын табысты орналастырды, - деп хабарлайды "Opennews.kz" ақпарат агенттігі.
Бұл Қазақстан тарихындағы мемлекеттік емес компанияның инвестициялық рейтинг облигацияларының ең ірі шығарылымы.
Kaspi.kz 18 наурызда 5 жыл өтеу мерзімімен $650 млн сомаға алғашқы еурооблигацияларын табысты түрде шығарды. АҚШ, Еуропа және Азияның ірі қорлары инвестор болды.
Михаил Ломтадзе, Kaspi.kz басшысы әрі негізін қалаушылардың бірі:
"Өткен аптада бүкіл әлемнен жиналған жетекші халықаралық инвесторларға Kaspi.kz туралы әңгімелеп, Қазақстанның инвестиция жағынан тартымды екеніне сендірдік. Нәтижесінде облигацияларымызды сәтті орналастыра алдық, бұл инвесторлардың бізге деген сенімінің тағы да бір дәлелі. Елдегі инвестициялық ахуалды одан әрі жақсарту қазақстандық компаниялар үшін халықаралық капитал нарығында бұдан да көп мүмкіндіктер береді".
Kaspi.kz облигациялары 6,25% мөлшерлеме бойынша орналастырылған және 2030 жылы өтелуі тиіс. Тартылған қаражат жалпы корпоративтік мақсаттар мен дамуға жұмсалады.
