Шенеунік құмар ойынның құрбанына айналды
1 596
Жамбыл облысы әкімдігінің қызметкері құмар ойынға ақша алу үшін туыстары мен жақындарын өтпейтін тендерлерге қатысуға үгіттеген, - деп хабарлайды "Opennews.kz" ақпарат агенттігі .
Сотқа дейінгі тергеп-тексеру органы бұл дәлелдемелерді толығымен сұрап, сараптама жүргізді. Айыпталушы бәс тігуден 500 миллион теңгеге жуық шығынға батқан. Жәбірленушілерге келтірілген шығын 205 миллион теңге болды,- деді прокурор Аяла Құдайберген.
Ділмұрат Хамрақұлов 6 жыл 8 айға бас бостандығынан айырылды. Ол жазасын жалпы режимдегі түзеу мекемесінде өтейтін болады. Оның сөзіне сенген жақындары 200 миллион теңгеден астам ақшасынан айырылып қалды.
Сондай-ақ 10 жылға мемлекеттік сатып алу саласында қызмет көрсетуге байланысты қызметпен айналысуға тыйым салынды, - делінген ақпаратта.
Үкім әлі заңды күшіне енген жоқ.
