Шенеуніктер қызметтік көлікті жекешелендіріп алған

Жамбыл облысында қызметтік көлікті жекеге аударып алғандарды прокурорлар анықтаған, - деп хабарлайды "Opennews.kz" ақпарат агенттігі. 

Жамбыл облысы прокуратурасы тексеріс барысында "Таза-Талас" мекемесінен төрт көлік жоқ болып шыққанын анықтады. Белгілі болғандай, аудандық шенеуніктер жаңа көлікті құжат арқылы жарамсыз етіп сатып жіберген. Қолды болған көліктердің қазір үшеуі ғана мемлекетке қайтарылған. Ал төртінші көлікті прокурорлар әлі іздестіріп жатыр.

Екі жыл бойы қызметтік көліктер қолдан қолға өтіп, қызығын жеке адамдар көрген. Ал қаржысын кәсіпорын басшылары бөліп алған. Қазіргі уақытта оларға қатысты қылмыстық іс қозғалды.

Айта кетерлігі, жылы жаңа төрт көлікті шенеуніктер небәрі 22 миллион теңгеге бағалаған.

Жамбыл облысы прокуратурасы сотқа дейінгі тергеп-тергеу басқармасының басшысы Ақберен Мүлкемановтың айтуынша, кәсіпорын директоры мен орынбасары жалған құжаттардың негізінде автокөліктердің техникалық жағдайы жарамсыз, қолдануға жатпайды деген негіздермен жалған құжаттар әзірлеген.