ҚЫЗЫЛОРДАДА БАЗАР МАҢЫНАН ТАБЫЛҒАН ДӘРЕТКЕ ТОЛЫ ҚҰТЫЛАР ЖҰРТТЫҢ НАРАЗЫЛЫҒЫН ТУДЫРДЫ

31 қаңтар 2024, 14:32

5 507

Қызылорда қаласының әкімдігіне қарасты «Қызылорда тазалық» ММ әлеуметтік желіге базар маңында кіші дәреттер құйылған құтыларды жария етті,- деп хабарлайды «Opennews.kz» ақпарат агенттігі.

Facebook әлеуметтік желісіне жүктелген сурет жұртшылық арасында қызу талқыға түсті. Жаңа базардың кәсіпкерлерімен ала жаздай арпалысып келеміз деген тазалық қызметкерлері бүгін 5 литрлік пластикалық ыдысқа құйылған кіші дәретті кәсіпкерлер тарапынан жасалған дейді.

«Жаңа базардың кәсіпкерлері ала жаздай кіші дәреттерін 1,5 литрлік ыдысқа сындырып, үйінді қылып қоятын еді. Биыл қыстың салқындауына, ауа-райының қолайсыздығына байланысты 5 литрлік құтылармен дәреттерін кез-келген жерге шығарып кететін болыпты. Осындай қоғамдық санансы төмен, әдепсіз адамдардың іс-әрекеттерін тазалықшылар жинастыруда. Десек те, тазалықшылардың басты міндетіне саудагерлердің дәреттерін жинап – теру емес, қаламыздың санитарлық тазалығын сақтау кіреді.», - деген жазба қалдырған болатын «Қызылорда Тазалық» мекемесі.

Алайда билік қала сыртына био әжетхана салу үшін қыруар қаржыны сарп етуге әзір болса да. Халық көп шоғырланған орындарға қажет емес деп тапса керек, жергілікті әкімдік «базар әкімшілігі» жауапты деп қысқа қайыруды жөн санады.

Базар маңында орналасқан жақын жерде әжетхана жоқ. «Жаңа базар» ғимаратында бір әжетхана бар. Ал, жақын маңдағы ғимараттар мен базар ауласында отырған кәсіпкерлер үшін арасы алшақтау екені тағы бар. Біз бұл тұрғыда кәсіпкердің жасаған әрекетін құптағанымыз емес, жергілікті билік тарапынан тиісті шара қолданбауына алаңадаулымыз.

Әдетінше мәселемен емес, оны көтерген адаммен алысатын билік әлем-желіден жарияланған

ақпаратты тіпті, тәуелсіз журналистердің де парақшасынан көзін құртып, өшіруге білек сыбана кірісіп кеткен. Оған дәлел жарияланған ақпарат түбегейлі көзін жойып үлгерген болатын.

Ал, желі қолданушылары

«Ұят-ай! Сол базардың ақшасы жетеді, камера қойып тастаса, сол үшін базарға жауапты адамдар жиналсын!»
«Ұятсыздар мынау енді сорақылық»
«Масқара»,- деп жарыса жазуда.