63 жастағы қалыңдық желі қолданушыларын сүйсінтті
1 657
Әлеуметтік желіде лағыл тойын атап өткен “жас жұбайлар” көпшілікті таңғалдырды. Видео 1 миллионнан астам қаралым жинаған, - деп хабарлайды "Opennews.kz" ақпарат агенттігі.
Бейнежазба авторының айтуынша, бір кездері анасының той көйлегін киюге мүмкіндігі болмаған. Анасының бұл арманын лағыл тойының қарсаңында орындау бұйырыпты.
“63 жаста тұрмысқа шығу тым кеш деп кім айтты? Бірде анам өз тойында қалыңдық көйлегін кимегенін айтқан еді. Соңына дейін қараңыз”, – делінген жазбада.
Қалыңдықтан бөлек шыттай болып киінген күйеу жігіт те назардан тыс қалмады. Желі қолданушылары ата-анасының арманын орындаған келіншектің де, сұлу қалыңдықтың да мақтауын асырып, ерлі-зайыптыға бақытты да, баянды ғұмыр тіледі.
“Екеуі қанша жыл бірге ғұмыр кешсе де, бір-бірін қазір көріп, ғашық болып қалғандай. Жастары ұзақ болсын”, “Құтты болсын, бақытты өмір тілеймін”, “Сиқыршы екенсіз. Анаңыздың жүзі бақыттан бал-бұл жайнап тұр”, “Лаңыл той болса отандасқандарына 40 жыл толған екен ғой”, “Әдемі қартаю деген осы шығар”, – деп жазды желідегілер.
