Балаларды қорғау күнінде екі баланы қорғай алмадық

4 520

Фото: s-k.byҚызылорда қаласына қарасты саяжайлардың бірінде орын алған қайғылы жағдай әлеуметтік желілерде кеңінен таралуда. Екі оқушы бала Сырдария өзеніне суға ағып, қайтыс болғаны туралы ақпарат келіп түсті.


Бұл оқиға жергілікті төтенше жағдайлар басқармасының қызметінің нашарлығын анық көрсетіп отыр. Мұндай жағдайлардың алдын алу және дер кезінде әрекет ету шаралары дұрыс ұйымдастырылмағаны көрініп тұр. Саяжайлар аймағында қауіпсіздік шараларының жеткіліксіздігі және халыққа қажетті ақпараттың уақытында жеткізілмеуі үлкен мәселеге айналып отыр.


Балаларымыздың қауіпсіздігін қамтамасыз ету үшін тиісті органдардың жұмысын қайта қарап, оларды жауапкершілікке шақыруымыз қажет. Барлық ата-аналар мен қоғам мүшелерін осындай жағдайларға назар аударуға, төтенше жағдайлар басқармасынан нақты әрі тиімді шаралар талап етуге шақырамын.


Қайтыс болған балалардың отбасыларына көңіл айтып, осындай қайғылы оқиғалардың қайталанбауы үшін ортақ жауапкершілігімізді күшейтейік.