Елімізде жұмыс күні бір сағат ерте басталуы мүмкін
1 649
Елімізде жұмыс күні бір сағат ерте басталуы мүмкін. Еңбек және халықты әлеуметтік қорғау министрі бюджеттік мекемелер мен жеке компанияларға жұмыс кестесін қайта қарауды ұсынып отыр, - деп хабарлайды "Opennews.kz" ақпарат агенттігі.
Бұған бірыңғай уақыт белдеуіне көшу себеп. Өйткені қыста күн қысқарғанда үйге қараңғыда қайтпас үшін жұмыс күнін бір сағатқа қысқарту қарастырылуы мүмкін. Министр Светлана Жақыпованың айтуынша, жұмыс кестесін өзгерту соншалықты қиын емес. Жұмыс беруші мен қызметкер өзара келісіп, оны екі жақты келісімшартпен бекітсе болғаны.
"Мәселен, жұмыс күні сағат 9-да басталатын мекемелер 8-де бастауға келісе алады. "Еңбек кодексі бұған рұқсат етеді", - дейді министр.
"Жұмыс беруші мен жұмыскердің арасында келісімшарт бар. Жұмыс кестесін екеуі бірге жасайды. Сондықтан қараңғы уақытта жұмыс істемеу үшін, мысал келтірсек, жұмыс тоғызда басталса, жұмыс берушімен келісіп, сағат сегізден бастаса, бір сағатты қысқартады. Сондай ұсыныс беріліп отыр", – деді Еңбек және әлеуметтік қорғау министрі Светлана Жақыпова.
