Солтүстік Қазақстан облысында бойжеткеннің мәйіті табылды.

Солтүстік Қазақстан облысында сәуір айында жоғалған 22 жастағы бойжеткеннің мәйіті табылды.

Солтүстік Қазақстан облысы полиция департаменті баспасөз қызметінің мәліметінше, 1 тамыз күні сағат кешкі жеті шамасында "102" пультіне бойжеткеннің мәйіті табылғандығы жөнінде хабарлама келіп түседі. Мәйіт Петропавлдағы "Речпорт" ауданында орналасқан тазарту құрылыстарынан табылған. Оқиға орнына бірден жедел тергеу қызметі шығып, тиісті шараларды атқарды. Табылған мәйіт сот-медициналық сараптамаға жіберілді. Оның қорытындысы бір айдан кейін белгілі болмақ. Алдын ала болжам бойынша, бұл сәуір айында жоғалған бойжеткеннің мәйіті. Бұл дерек сотқа дейінгі тергеп-тексерулердің бірыңғай тізіліміне енгізілді. Тергеу жүргізіліп жатыр.