Атырауда есірткі тасымалдаған мектеп оқушысы сотталып кетті

Атырауда синтетикалық есірткі тасымалдап, курьер болған 11 сынып оқушысына сот үкімі шықты. Енді ол жазасын түрмеде өтейді,- деп хабарлайды Opennews.kz ақпарат агенттігі Экспресс К сайтына сілтеме жасап.

Ол мұндай жұмысты интернет арқылы тапқан.

Оқушы жұмыс іздеп отырып, жоғары жалақы ұсынған хабарландыруды көріп қалады. Белгісіз компания жаяу жүретін курьерлерге жоғары жалақы ұсынады. Оқушы бірден келісіп, кейін жұмыс істей бастайды.

Мектеп оқушысы есірткі заттарын жеткізіп жүргенін білсе де, жұмысын тоқтатпады. Осылайша ол соттың үкімімен 7 жыл 6 айға бас бостандығынан айырылды,— дейді облыс прокурорының бірінші орынбасары Саян Бәкіров.

Аймақты жыл басынан бері оқушыларға қатысты 20 қылмыстық іс қаралған. Оның 7 — аса ауыр қылмыстар.