Қазынашылық департаментінің қызметкерлері 8 млн теңге жымқырған

Түркістан облысы қазынашылық департаментінің қызметінде жүйелі заңдылықты бұзушылықтарды анықтады, - деп хабарлайды "Opennews.kz" ақпарат агенттігі.

Облыстық прокуратураның мәліметінше, департаменттің лауазымды қызметкерлері «Сырдария-Түркістан мемлекеттік өңірлік табиғи паркі» КММ есепшілерімен сөз байласу арқылы қызметкерлердің санын негізсіз ұлғайтып, 8 млн жуық теңгені иемденген.

Аталған дерекке қатысты сотқа дейінгі тергеу жұмыстарын Түркістан облысы бойынша Экономикалық тергеп-тексеру департаменті жүргізіп жатыр.

Бұған қоса басқа да қолданыстағы заңнамалар бойынша заңбұзушылықтар анықталып, оларды жою мақсатында Қаржы министрлігіне ұсыныс енгізілді.