БҚО-да есірткі жасырумен айналысқан студент ұсталды
1 104
БҚО-да полиция қызметкерлері есірткі жасырушыны ұстады, - деп хабарлайды "Opnnews.kz" ақпарат агенттігі.
26 тамызда Бөрлі аудандық полиция бөлімінің қызметкерлері есірткі жасырумен айналысып жүрген 18 жастағы студентті ұстады. Ол Орал қаласындағы колледждердің бірінде оқитыны анықталды.
Студентті тексеру кезінде ішінде ақ түсті ұнтақ тәріздес зат салынған 36 зип-пакет тәркіленді.
"Тәркіленген заттар сараптамаға жіберілді. Ұсталған кезде күдікті 4 зип-пакетті жасырып үлгерген. Бұл дерек бойынша қылмыстық іс қозғалды. Күдікті уақытша ұстау изоляторына қамауға алынды. Тергеу жүргізіліп жатыр", - деп жазылған хабарламада.
