7-сынып оқитын қыз жүкті болып қалған

Ақтөбе облысында жетінші сыныпта оқитын қыз бала жүкті болып қалды, - деп хабарлайды «Opennews.kz» ақпарат агенттігі  Azattyq Rýhy сайтына сілтеме жасап.

Бұл ақпаратты Ақтөбе облысының полиция департаменті растады. Қылмыстық кодекстің 121-бабы «Сексуалдық сипаттағы зорлық-зомбылық әрекеттері» бойынша тергеу жүріп жатыр.

Әлеуметтік желіде тараған ақпаратқа сүйенсек, оқушы қыз жетінші сыныпта оқиды. Аяғы ауыр болғанына алты айдан асқан. Дәрігерлік кеңес комиссиясының шешіміне сай ол оқуын үйден жалғастырады.