Қызылордада ата-енесінің атынан несие рәсімдеп алған келіншек бас бостандығынан шектелді

Қызылордада күйеуінің ата-анасының атына алаяқтық жолмен несие рәсімдеген әйелге қатысты іс қаралды, - деп хабарлайды "Opennews.kz" ақпарат агенттігі.

Қызылорда қаласының №2 сотында ҚР ҚК-нің 190-бабы 3-бөлігінің 1-4-тармақтарымен сотталушыға қатысты қылмыстық іс қаралды. Сотталушының  атасы мен енесінің ақпараттық жүйеден бейхабар екенін, қарттық жасын пайдаланып, бейнекамераға түсіру арқылы есепшоттарына заңсыз кіріп, ұялы телефонындағы мобильді қосымша арқылы атасының атынан 4 626 167 теңге, енесінің атынан 2 190 000 теңге мүліктік несиелер рәсімдеп, оны ақшаға айналдырып, бас пайдасына жаратқан.

Сотталушының қылмыстық әрекеті өзінің кінәсін мойындаған жауабымен, жәбірленушілердің жауаптарымен, банктік анықтамалармен, аударым түбіртектерімен және іс бойынша басқа да құжаттармен дәлелденген.

Сотталушы жәбірленушілер арасында кінәні мойындау туралы мәміле нысанындағы процестік келісім жасалған.

Басты сот талқылауында жәбірленуші сотталушыдан 4 626 167 теңге залалды өндіруді сұраған, ал екінші жәбірленуші талап қоюдан бас тартқан.

Сот үкімімен сотталушы кінәлі деп танылып, 3 жыл 6 ай мерзімге бас бостандығын шектеу жазасы тағайындалып, пробациялық бақылау белгіленген.

Талапкердың пайдасына 4 626 167 теңге өндірілді.