Ұлына мұраға қалған 22 млн теңгені ұрлаған ер адам ұятқа қалды

Ұлыбританияның Тенби қаласында 38 жастағы Дэниел Колфилд ұлына мұраға қалған 38 000 фунт стерлингті (шамамен 22 миллион теңге) ойын-сауыққа, алкоголь мен есірткіге жұмсап жіберген. 

Мұраны Дэниелдің анасы арнайы немересіне қалдырған екен. Ол немересі 18 жасқа толған соң бұл ақшаны университетте оқу ақысын төлеу немесе үй сатып алу мақсатында қолдана алады деп үміттенген. 2015 жылы әйел адам қайтыс болып, ер адам әпкесімен бірге ұлына мұраға қалған шотқа қол сұғады. Мұрагер кәмелет жасына толған соң, әкесі мен әпкесіне мұраға қалған ақшаны беруін сұрап хат жазады. Алайда әкесі ақшаны ішімдік пен ойын-сауыққа жұмсап жібергенін айтады. Бұл жайттан кейін ұлы полицияға әкесінің үстінен арыз жазған.