ЖОЛ ҚҰРЫЛЫСЫ АЙМАҚ БАСШЫСЫНЫҢ ТІКЕЛЕЙ БАҚЫЛАУЫНДА

Облыс әкімі Нұрлыбек Нәлібаев Қызылорда қаласындағы жол жөндеу жұмыстарының барысын тексерді, - деп хабарлайды "Opennews.kz" ақпарат агенттігі.

Алдымен Бейбарыс сұлтан көшесінен Әбілхайыр хан көшесіне дейінгі Сырдария өзенінің қорғаныш бөгетін нығайту, Тәуелсіздіктің 25 жылдығы көшесін реконструкциялау жұмыстарын көрді.

Жобаның мердігері – «УАД», техникалық қадағалаушысы – «ЗКА Проект», авторлық қадағалаушысы – «КБ МұнайГаз Инжиниринг» серіктестіктері. Төрт жолақты жолдың ұзындығы – 6,71 шақырым, ені – 14 метр.

Облыс әкімі басты талап жолдың сапалы салынуы, құрылыстың уақытылы аяқталуы екенін айтты. Жауапты сала басшылары жөндеу жұмыстарын үнемі тексеріп, кемшілікке жол бермеуі керек.

Биыл Қызылорда облысында республикалық және облыстық бюджеттен бөлінген 44 млрд. 703 млн теңгеге 300 шақырым автомобиль жолы жөндеуден өтті. Облыс орталығының негізгі көшелері - әуежайдан Бейбарыс сұлтан көшесіне дейінгі аралық, қалаға Шиеліден кіреберіс жол, Яссауи, Жаппасбай батыр магистральді көшелері, Тәуелсіздіктің 25 жылдығы даңғылы  төрт жолақты болып кеңейтілді.

Қызылорда қаласында 4 млрд. 700 млн. теңгеге Жанқожа батыр көшесі арқылы өтетін теміржол асты автожолы, Арал, Жаңақорған аудандарында теміржол үстінен аспалы көпір құрылыстары жүруде.

Сонымен қатар жылдар бойы күн тәртібінен түспеген «Қызылорда-Жезқазған» автожолы Президенттің тікелей тапсырмасымен қайта жаңғыртылуда. Жоба құны – 108 млрд. 500 млн теңге. Қызылорда облысының аумағына тиесілі 216 шақырым жолдың 140 шақырымы аяқталды. Қалған бөлігі 2026 жылы ел игілігіне беріледі.

Қызылорда облысындағы жол құрылыс жұмыстары аймақ басшысы Нұрлыбек Нәлібаев тарапынан тікелей бақылауға алынған. Бұл жол жөндеу және жаңарту жобалары аймақтың көлік инфрақұрылымын дамыту, тұрғындардың қауіпсіздігі мен өмір сүру сапасын жақсарту мақсатында жүзеге асырылуда. 

: Облыс әкімі Нұрлыбек Нәлібаев жол құрылыс жұмыстарының сапасына ерекше назар аударатынын атап өтті. Ол жауапты сала басшыларына құрылыс барысын үнемі тексеруді және жұмыстың мерзімінде аяқталуын қамтамасыз етуді тапсырды. Нәлібаевтың айтуынша, барлық жөндеу жұмыстары аймақ басшысының бақылауында болатыны, ал кемшіліктерге жол берілмейтіні маңызды. Жол құрылысын тек қадағалап қана қоймай, уақытылы жүргізілуі үшін жергілікті атқарушы органдар да тиімді жұмыс істеуі керек. Қызылорда облысындағы жол құрылыс жұмыстарының қарқынын арттыру, оны сапалы әрі уақытылы аяқтау аймақтың әлеуметтік-экономикалық дамуында маңызды рөл атқарады. Жолдардың жаңартылуы көлік қозғалысын жеңілдетіп, тұрғындардың қауіпсіздігін арттырады, сондай-ақ экономикалық тұрғыдан да облыстың дамуына ықпал етеді. 

Мұнан бөлек, көпшілікті толғандырған «Батыс Еуропа-Батыс Қытай» халықаралық дәлізінің Қызылорда қаласынан Ақтөбеге дейінгі аумағын төрт жолақтыға айналдыру мәселесі де Мемлекет басшысының тапсырмасымен шешімін табуда. Халықаралық дәліздің осы аумағын 1-санатқа ауыстыру бойынша «ҚазАвтоЖол» акционерлік қоғамы жоба-сметалық құжаттама әзірлеуде.