Қызылордада көлік қаққан ер адам қайтыс болды
1 427
Қызылордада 26 қараша күні кешкі уақытта жаяу жүргіншіні көлік қағып, бірнеше метрге ұшып түсті, - деп хабарлайды "Opennews.kz" ақпарат агенттігі.
Ер адам алған жарақатынан тірі қалған жоқ.
Қайғылы оқиға орнынан түсірілген фото жарияланды. Оқиға Қорқыт ата көшесінде кешкі уақытта болды.
Куәгерлердің айтуынша, жүргізуші жоғары жылдамдықпен келіп, жаяу жүргіншіні қағып кеткен. Ер адамның басы жарылып, алған жарақатынан сол жерде қайтыс болды. Марқұмның артында үш баласы қалғаны белгілі болды.
«Қызылорда қаласындағы Қорқыт ата көшесінде болған ЖКО фактісі бойынша Қазақстан Республикасы Қылмыстық кодексінің 345-бабының 3-бөлігі бойынша сотқа дейінгі тергеу басталды. Қылмыстық іс аясында тиісті сот сараптамалары тағайындалады, тергеудің толықтығы, жан-жақтылығы және объективтілігі қамтамасыз етіледі», - деп хабарлады Қызылорда полиция басқармасы.
Кінәлі жүргізуші бес жылға дейін бас бостандығынан айырылуы мүмкін.
