600 млн теңгеге жасалған жолдың бір бөлігі жарамсыз болып қалған
1 393
Ақтөбе облысында автомобиль жолдарын салу және жөндеу жұмысын тексеру барысында елеулі кемшіліктер анықталды, - деп хабарлайды "Opennews.kz" ақпарат агенттігі.
Антикор мәліметінше, биыл бюджеттен шамамен 600 млн теңге бөлінген «Мәртөк – Дмитриевка – Байторысай – Полтавка» жолына орташа жөндеу жұмыстары жүргізілген. Алайда құрылыс-монтаж жұмыстары аяқталғанға дейін 4 шақырым жол жарамсыз болып қалған.
«Жобада айналма жол қарастырылмағаны анықталды. Нәтижесінде мердігер инертті материалды жаңа жол жамылғысы арқылы тасымалдаған. Сонымен қатар, келісімшарт жасасу кезінде мердігер үшін 2 жылдық кепілдік міндеттемелердің орнына бір жыл ғана белгіленген. Талдау қорытындысы бойынша Ақтөбе облысының әкімдігі орташа жөндеудің кепілдік мерзімін қайта қарады, жол жабынын қалпына келтіру мәселесі бойынша мердігерге қатысты талап арыз берілді», - делінген Антикор хабарламасында.
