Боран кезінде тас жолға шыға алмаған халық жаппай пойызға мінген
1 334
Демалыс күндері ауа райы мінез танытқан солтүстік және орталық өңірлерде 700-ден астам адам көліктерін тастап, пойызға мінген, - деп хабарлайды "Opennews.kz" ақпарат агенттігі.
«Жолаушылар тасымалы» АҚ-ның баспасөз қызметі хабарлағандай, Сарыбель, Макинка, Елтай, Ақкөл, Екібастұз, Ерейментау және Бурабай станцияларында бас-аяғы 700-ден астам адам пойызға мінген.«Компания жолда қалған адамдарды пойызбен әлі де тасып жатыр», - деп хабарлайды компания.
Естеріңізге сала кетейік, 3 қаңтар күні Астана-Петропавл тас жолында 100-ге жуық көлік соқтығысқан. Ауа райының қолайсыздығына байланысты жүргізушілер Астана-Бурабай арасында 7 сағат жол жүрген.
