Қаз
Рус
Балабақша тәрбиешісін айуандықпен өлтіріп кеткен
1 405
Жамбыл облысында балабақша тәрбиешісін айуандықпен өлтіріп кеткен, - деп хабарлайды "Opennews.kz" ақпарат агенттігі.
Бұл дерекке қатысты полицейлер түсініктеме берді.
Halyqstan Telegram арнасының мәліметінше, бірнеше күн бұрын балабақша тәрбиешісі Жаңатас қаласынан Таразға кетіп, қайтып оралмаған. Әйелінен ешқандай хабар болмаған соң, күйеуі өз бетінше іздеп көрген. Алайда іздеу жұмыстарынан еш нәтиже болмаған соң, полицияға хабарласқан.
Аталған оқиғаға қатысты Жамбыл облыстық полиция департаментінің баспасөз қызметі түсініктеме берді.
"Кісі өлтіру факті бойынша сотқа дейінгі тергеу амалдары басталды, полиция қызметкерлері жедел іздестіру шараларын жүргізу барысында 34 жастағы күдікті ұсталып, уақытша ұстау изоляторына қамалды. Қазіргі уақытта іс бойынша тергеудің толықтығына, объективтілігіне және жан-жақты болуына бағытталған барлық қажетті жедел-іздестіру шаралары жүргізілуде", – деп хабарлады полиция өкілі.
Құқық қорғау органдары Қылмыстық-процестік кодексінің 201-бабына сәйкес өзге де мәліметтер тергеу мүддесі үшін жария етілуге жатпайтынын айтты.
