Насыбай сатқан кәсіпкерлер 3 млн теңге айыппұл төлейтін болды
1 348
Астананың Сарыарқа ауданындағы кейбір дүкендер заң тыйым салғанына қарамастан насыбай және темекі өнімдерін сатқан, - деп хабарлайды "Opennews.kz" ақпарат агенттігі.
Астана әкімдігінің ресми сайты хабарлағандай, 2024 жылы жалпы қала бойынша 70 дүкеннен осындай факт тіркелген. Кәсіпкерлерге 3 млн теңгеден астам айыппұл салынған.
«Рейд барысында Республика, Жеңіс даңғылы, Гете, Ә.Молдағұлова, Ы. Дүкенұлы көшелері қамтылды. Егер рейдтік іс-шара кезінде насыбай сатқан тұлғалар анықталса, оларға қатысты Қазақстан Республикасы Қылмыстық кодексінде қарастырылған жаза қолданылады және насыбай тәркіленеді. Істер министрлігінің тапсырмасы бойынша рейд жалғасады», - деді Сарыарқа ауданы ПБ учаскелік полиция инспекторы Ғалымжан Кәбір.
