Жеңіл көлік Камаздың артына соғылып, 4 адам көз жұмды

Маңғыстау облысының Бейнеу-Сайөтес тасжолында адам шошырлық жол апаты болып, төрт бірдей адам оқиға орнында тіл тартпай кетті, - деп хабарлайды "Opennews.kz" ақпарат агенттігі Lada.kz-ке сілтеме жасап.

Аталмыш тасжолда Toyota Camry мен «Камаз» жүк көлігі соқтығысқан.

Апат салдарынан жолаушылар көлігінің төрт жолаушысы оқиға орнында қайтыс болды. Toyota Camry жүргізушісі ауыр жараланып, Бейнеу аудандық ауруханасына жеткізілді, онда оған медициналық көмек көрсетіледі.

«КАМАЗ» жүргізушісіне жарақаттың болмауына байланысты дәрігерлердің көмегі қажет болған жоқ.

Оқиға бойынша ҚР ҚК 345-бабы бойынша (абайсызда екі немесе одан да көп адамның өліміне әкеп соққан жол жүрісі немесе көлік құралдарын пайдалану ережелерін бұзу) іс қозғалды. Тергеу жүргізілуде, оқиғаның барлық мән-жайы анықталады.