Жеңістің 80 жылдығына арналған ресми логотип таныстырылды

Қорғаныс министрлігі Ұлы Отан соғысындағы Жеңістің 80 жылдығына арналған ресми логотипті таныстырды, - деп хабарлайды «Opennews.kz» ақпарат агенттігі.

Еске сала кетейік, үкімет Жеңістің 80 жылдығын атап өтуге арналған кешенді жоспар әзірледі. Жоспарда қаңтар айынан бастап желтоқсанға көптеген шара енгізілген.

Ең маңыздысы – 7 мамырда болатын әскери парад. Бұл шара үш кезеңнен тұрады. Біріншісі – тарихи кезең, екіншісі – заманауи кезең, үшінші кезеңі – әуе шеруі.