Путин қартаюға қарсы «дәрі» жасауға 26 миллиард доллар жұмсаған

Америкалық The Wall Street Journal басылымы Кремльдің ауқымды ғылыми-технологиялық жобаларының бірі – адам өмірін ұзартуға бағытталған ұлттық бағдарлама туралы зерттеу жариялады. Жобаның жалпы құны шамамен 26 миллиард доллар деп бағаланған,- деп хабарлайды Оpennews.kz ақпарат агенттіг ult.kz порталына сілтеме жасап.

Басылым дерегінше, бұл бастама Ресей президенті Владимир Путиннің жеке басым бағыттарының бірі ретінде қарастырылып отыр. Ол адамның қартаю процесін баяулату және болашақта өмір сүру ұзақтығын арттыру идеясына ерекше қызығушылық танытады.

WSJ материалында Путин Қытай төрағасы Си Цзиньпинмен әңгіме барысында болашақта ағзаларды қайта-қайта алмастыру арқылы өмірді ұзартуға болатынын айтқан.

Зерттеуде көрсетілген негізгі бағыттар:

3D-биопринтинг арқылы жасанды адам тіндері мен ағзаларын жасау;

Генетикалық тұрғыдан бейімделген жануарларда (мини-шошқаларда) адамға трансплантациялауға болатын ағзаларды өсіру;

Қартаю үдерісін баяулатуға арналған гендік терапия әзірлеу.

WSJ мәліметінше, жобаны президентке жақын тұлғалар, оның ішінде қызы Мария Воронцова және Курчатов институтының басшысы Михаил Ковальчук үйлестіріп отыр.