Балабақшаға ешқашан бармаған бөбектер үшін қазынадан заңсыз ақша алған

18 сәуір 2025, 15:37

1 543

Қордай ауданында балабақша басшылығы мектепке дейінгі ұйымға мүлдем келмеген балалар үшін 45,2 млн теңге көлеміндегі бюджет қаражатын талан-таражға салған, - деп хабарлайды "Opennews.kz" ақпарат агенттігі.

Жамбыл облысының прокурорлары ірі көлемдегі бюджет қаражатын жымқыру фактісін тексеру кезінде анықталған.

"Қордай ауданының прокуратурасы мектепке дейінгі мекеменің жан басына шаққандағы қаржыландыруға арналған 45,2 млн теңге көлеміндегі бюджет қаражатын жымқыру анықтады. 2025 жылғы 11 наурызда ірі көлемдегі бюджет қаражатын жымқыру фактісі аудан прокуратурасының Сотқа дейінгі тергеп-тексерудің бірыңғай тізіліміне Қылмыстық кодекстің 189-бабы 4-бөлігінің 2-тармағымен тіркелді", – делінген хабарламада.

Тергеп-тексеру Жамбыл облысы бойынша Сыбайлас жемқорлыққа қарсы іс-қимыл агенттігінің Департаментіне тапсырылды. Қылмыстық-процестік кодекстің 201-бабына сәйкес тергеу мүддесі үшін өзге ақпарат жария етуге жатпайды.