Бұрынғы дипломат Сәкен Мамаштың соты басталды
Астананың қылмыстық істер жөніндегі ауданаралық сотында бұрынғы дипломат Сәкен Мамашқа қатысты қылмыстық іс бойынша сот отырысы басталды. Ол жұбайын соққыға жықты деген айыппен сотқа тартылып отыр,- деп хабарлайды "Opennews.kz" ақпарат агенттігі.
2023 жылғы мамырда "НеМолчи.kz" қоғамдық қоры өз парақшасында Біріккен Араб Әмірліктеріндегі Қазақстан елшілігінің кеңесшісі Сәкен Мамаштың жұбайын жүйелі түрде ұрып-соғатыны туралы ақпарат жариялаған болатын. Бұл мәлімдемеден кейін Қазақстанның Сыртқы істер министрлігі оқиғаға қатысты ресми жауап беріп, дипломаттың елге шұғыл түрде қайтарылуына шешім қабылдағанын хабарлады.
Зорлық-зомбылық туралы мәлімдеген дипломаттың жұбайы да БАӘ-ден Қазақстанға жеткізілді. Алайда әуежайда оны күйеуінің туыстары қарсы алғаны белгілі болды.
