Өгей әкесі 16 жастағы қызды шашынан сүйреп, көше бойында соққыға жыққан

Ақтауда 16 жастағы қызды өгей әкесі ұрып-соққан. Зардап шегуші ми шайқалу диагнозымен ауруханаға жатқызылды,-  деп хабарлайды "Opennews.kz" ақпарат агенттігі.

Маңғыстау облысы әкімдігі жанындағы кәмелетке толмағандардың ісі жөніндегі комиссия өкілдері анасы мен қызы ұзақ жылдар бойы зорлық-зомбылық көріп келгенін анықтаған. Мамандардың айтуынша, күдікті әйелі мен өгей қызына күн көрсетпей, ұрып-соққан.

Полиция бұл жағдай бойынша "Денсаулыққа қасақана зиян келтіру" бабымен іс қозғап, тергеуді бастап кетті.