Тоқаевты балағаттаған блогерге үкім шықты

17 маусым 2025, 12:30

1 573

Instagram желісіне жариялаған видеосы үшін Атыраудағы блогерге әкімшілік шара қолданылды,- деп хабарлайды "Opennews.kz" ақпарат агенттігі.

Бейнежазбада «халық жертөледе өмір сүріп жатыр» деген пікірмен қатар, Қазақстан Президентіне қатысты балағат сөздер айтылған.

12 маусымда сот блогерге қатысты ҚР Әкімшілік құқықбұзушылық туралы кодексінің 434-бабы 1-бөлігі — «Ұсақ бұзақылық» бойынша істі қарады. Іс материалдарына сәйкес, бейнежазба қоғамдық тәртіпке қайшы келіп, айналасындағыларға анық құрметсіздік көрсеткен.

«Сот құқықбұзушының кінәсі толық дәлелденгенін анықтады. Ол сот отырысында кінәсін мойындап, өкінетінін білдірді. Бұл — жазаны жеңілдететін жағдай ретінде ескерілді. Алайда құқықбұзушылықтың сипаты мен қоғамдық қауіпсіздікке төнген қатер ескеріліп, сот оны 15 тәулікке әкімшілік қамауға алу жазасына кесті», деп мәлімдеді облыстық соттың баспасөз қызметі.