"Мисс Қазақстан" байқауына трансгендерлер қатыса алады

18 маусым 2025, 01:00

1 439

18 маусымдағы баспасөз жиынында Miss Qazaqstan қорының жетекшісі Айжан Рузаева биылғы «Мисс Қазақстан» байқауына трансгендер және дене бітімі өзгеше арулар да қатыса алатынын айтты,- деп хабарлайды "Opennews.kz" ақпарат агенттігі.

Байқаудың финалы биыл күзде Алматы метросында өтеді.

"Plus-size арулар қатыса алмайды дегенді кім айтты? Біз мұндай қатысушыларды қуана қарсы аламыз. Біз бәрін күтеміз. Мейлі ол трансгендер болсын, мейлі plus-size болсын – бұл еркін таңдау. Егер адам өзін солай сезінсе, қатыса алады. Біз бәріне ашықпыз. Егер plus-size қыз келіп, әдемі, харизматикалық, жарқын болса, оны да қарастырамыз. 90-60-90 өлшемдері баяғыда-ақ ұмыт болған, – деді Айжан Рузаева.

Финал 30 қараша күні түнгі 23:00-де Алматы метросындағы "Мұхтар Әуезов театры" станциясында өтеді. Мұндай кеш уақытты ұйымдастырушылар жолаушылар қозғалысына кедергі келтірмес үшін таңдаған. Байқау жабық форматта өтеді, билет сатылмайды. Финалды тек арнайы жіберілген аты-жөні жазылған шақыртулармен ғана көруге болады. Іс-шараны шамамен 90 адам тамашалай алады, олардың қатарында блогерлер мен журналистер бар. Қалған көрермендер байқауды ресми онлайн трансляциялар арқылы көре алады.