Әскери қызметкерге қысым көрсетіп ақша бопсалаған

Павлодар облысында ақша бопсалады деген күдікпен екі тұрғын ұсталды, - деп хабарлайды "Opennews.kz" ақпарат агенттігі.

Облыстық полиция департаментінің ұйымдасқан қылмысқа қарсы іс-қимыл басқармасы әскери қызметкерден ақша бопсалаған деген күдікпен Павлодар қаласының екі тұрғынын ұстады.

Тергеу мәліметіне сәйкес, күдіктілер бірнеше ай бойы әскери қызметкерге моральдық-психологиялық қысым көрсетіп, оның ақшалай қаражатын иемденіп келген. 

Павлодар облысы полиция департаменті басшысының бірінші орынбасары Болат Нұрсеитов азаматтарды кез келген бопсалау немесе заңсыз әрекет фактілері туралы хабарлауға шақырды.

Полицияның айтуынша, барлық өтініш қатаң құпия түрде қаралады.