Су тапшылығына тосқауыл: Мемлекет басшысы нақты тапсырмалар берді

Мемлекет басшысы жыл соңына дейін елді-мекендерді 100% сапалы ауыз сумен қамтамасыз етуге қатысты бірқатар тапсырмалар берді ,-деп хабарлайды "Opennews.kz" ақпараттық агенттігі.

Құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбековтің мәлімдеуінше, елде тек ауызсу мен кәріз жүйелерінің сапасы жақсартылып қана қоймай, сондай-ақ су тарифін төмендету бағытында да нақты шаралар  жасалынып жатқанын айтты.

Сондай-ақ Жүнісбековтің айтуынша, осы бағыттағы қолдауды қамтамасыз ету үшін министрлік үш маңызды нормативтік-құқықтық актіні бекіткен:

• Ауызсуды жеткізу қызметінің құнын субсидиялау қағидалары;
• Ауызсудың бір текше метрінің өзіндік құнын есептеу әдістемесі;
• Елді мекендердің су жүйелерін субсидиялау тізіміне енгізу критерийлері.

 Бұл бастама мемлекеттік деңгейдегі маңызды әлеуметтік саясаттың бір бөлігі ретінде қарастырылып отыр.  Сонымен қатар, нақты нормативтік-құқықтық актілердің қабылдануы — бұл жұмыс тек сөз жүзінде емес, жүйелі түрде жүзеге асып жатқанын көрсетеді.