Түрмеде жайлы өмір сүретіндерде бар ма?

Павлодар облысындағы түзету мекемесінде жазасын өтеуші 2022–2024 жылдары абақты басшысының жанындағы кабинетте тұрып келген. Ол интернет пайдаланып, моншаға еркін барып, қызметкерлер асханасында қонақ қабылдай алған,-деп хабарлайды Opennews.kz ақпарат агенттігі.

Тергеу мәліметінше, ҚАЖ департаментінің подполковнигі сотталушыны басқа колонияға ауыстырумен қорқытып, ақша бопсалаған. Ол сотталушыдан бірнеше рет ақша талап етіп, өзіне және жұбайына 165 мың теңгеге киім мен парфюм алдырған, сондай-ақ 500 мың теңге сұраған.

Шағым түскеннен кейін қызметкер ұсталды. Сот оны “қорқыту арқылы пара алу” бабымен 7 жылға соттады және шенінен айырды. Ал департамент басшылығына өрескел заңбұзушылықтар үшін жеке қаулы шығарылды.