3 ер адам жасөспірімді есінен танғанша ұрып-соғып кеткен

Бүгін, 16:30

1 502

Алматыда үш ер адам жасөспірім мен оның ағасын соққыға жыққан,- деп хабарлайды Оpennews.kz ақпарат агенттігі.

Ал полиция олардың біреуін ғана қолға түсірген.

Болған жағдайдан зардап шеккен жасөспірімнің анасы Сымбат Арғынова баяндап берген. Оның айтуынша, оқиға 15-ші желтоқсаннан 16-на қараған түні Төле би көшесінің бойында орналасқан жанармай бекетінде болған.

“Зардап шеккендер – інім мен 15 жастағы ұлым. Олар досын күтіп алуға шыққан еді. Жанармай бекетіне келген соң ұлым көлік ішінде қалған. Ол ағасы мен оның досын күтіп отырған кезде, сыртта жанжал басталған. Балам не болып жатқанын көру үшін көліктен шыққан кезде оны да соққыға жыққан. Ұлымды жұлқып, есінен танғанша ұрып-соғып кеткен. Полицияға арыз түсірдік. Күдіктілердің бірін ғана қамауға алынды. Негізі үш адам еді. Алайда қазір ол бостандықта жүр. Ол адам полиция бөлімшесінде ұлымды балағаттап, кейін ұстап аламын деп қорқытқан”, – дейді жәбірленушінің анасы.

Әйелдің сөзінше, ұлы ауруханада жатқан кезде күдіктілер тарапынан ешкім келіп кешірім сұрамаған.

“Ұлымның миы шайқалып, жағы шыққан. Қазір жақ тістерін емдетіп жатырмын. Ұлымды психотерапевтке қаратуым керек. Себебі, қатты қорқып қалған, “ұрып жатқан кезде өліп қаламын ба деп қорықтым” деп жылап айтады”, – дейді жәбірленушінің анасы.

Жәбірленушінің анасы енді кінәлілердің жазалануын талап етіп отыр.