Медицина қызметкерін балағаттаған тұрғын айыппұл арқалады

Ақтөбе облысы Шалқар ауданында фельдшерге былапыт сөз айтқан тұрғын айыппұл төлеген,- деп хабарлайды Оpennews.kz ақпарат агенттігі.

Шалқар тұрғыны 103 телефон нөміріне қоңырау шалып, жедел жәрдем қызметкерлерін шақырған. Алайда шақырту қабылдаған диспетчер-фельдшерді балағаттаған.

Тұрғынның мәселесі сотта қаралған. Ол өкінетінін айтып, кінәсін мойындаған. Ал балағат сөз естіген фельдшер кешірім берген.

Сот үкімімен ер адам әкімшілік құқық бұзушылық туралы Кодекстің 801-бабының 2-бөлігімен кінәлі деп танылып, оған 129 750 теңге әкімшілік айыппұл салынған. Сот қаулысы заңды күшіне енген.