Марқұм Нұрай Серікбайдың қырық күндік асы өткізілді
1 512
Марқұмды еске алуға туған-туыстары, ұстаздары мен қала тұрғындары жиналған,- деп хабарлайды Оpennews.kz ақпарат агенттігі.
Жиналғандар оның оқу үлгерімі жоғары, шығармашылық қабілеті бар және мінезі жұмсақ жан болғанын атап өткен.
Нұрай Серікбайдың ағасы Сұлтан Серікбай әлеуметтік желіде жазба жариялап, күдіктіні өмір бойына бас бостандығынан айыруды талап еткен.
Ешқашан өзімнің туған қарындасымның "қырқын" жасаймын деп ойламаппын. Шуағын енді шашайын деп тұрған шағында өмірінің жібі үзілді дегенге сенгім келмейді. Өмірдің бұлай өзгеруі отбасымыз үшін өте ауыр жағдай. Бірақ бұл істі аяғына дейін жеткізу үшін бар күшімізді саламыз. Құдай ондай адамдарды о дүниеде қинайтын болса, біз бұл дүниеде олардың істеген зұлымдығын мойнымен көтергіземіз, – деп жазды ол.
Қазіргі таңда күдіктіге қатысты іс Қылмыстық кодекстің "Аса қатыгездікпен адам өлтіру" бабы бойынша қайта сараланған.
Тергеу амалдары жалғасып жатыр.
