Әкімдік ғимаратының алдында жол-көлік оқиғасы болды

27 наурыз 2026, 10:00

1 515

Ақтауда автобус пен жеңіл көлік соқтығысып, жол апаты салдарынан жолаушылар жарақат алды, - деп хабарлайды Opennews.kz ақпарат агенттігі Sn.kz сайтына сілтеме жасап.

Жол-көлік оқиғасы 25-ші наурыз күні Маңғыстау облысы әкімдігі ғимаратының маңында болған. Полицияның мәліметіне сәйкес, Audi Q7 көлігінің жүргізушісі солға бұрылу кезінде қарсы бағытта келе жатқан көлікке жол бермей, жол қозғалысы ережесін бұзған. Соның салдарынан ол YUTONG маркалы автобуспен соқтығысқан. Апат кезінде автобуста болған бірнеше жолаушы жарақат алды. Оларға медициналық көмек көрсетіліп, тексерістен кейін үйлеріне қайтарылған.

«Жүргізушіге қатысты әкімшілік хаттама рәсімделді. Қазір тексеру жүргізіліп, оқиғаның барлық мән-жайы анықталып жатыр. Маңғыстау облысының полиция департаменті жүргізушілерді жол қозғалысы ережелерін қатаң сақтауға және жолда барынша мұқият болуға шақырады», – деп мәлімдеді ведомство.