Кабинетте шаш бояған педагогтың әрекеті талқылануда

8 маусым 2026, 10:00

1 992

Әлеуметтік желіде Абай облысының Бородулихинский ауданындағы балабақша меңгерушісінің жұмыс кабинетіндегі біртүрлі фотосы жұрттың талқысына түскен,- деп хабарлайды Оpennews.kz ақпарат агенттігі.

Инстаграм әлеуметтік желісінде тараған фотода еліміздің көк байрағы тұрған жұмыс кабинетте шаш бояу процесінің жүріп жатқанын анық байқауға болады.

Фотоны желіде таратқан парақша: "Майкенова Айнұргүл Нұртайқызы — "Солнышко" балабақшасының басшысы, Абай облысы, Бородулихинский ауданы" деген жазбаны қосып жариялаған.

Аталған суретке қатысты жұрттың пікірі екіге бөлінді. Бір тарап "масқара, педагог деген атына сын емес пе", "кабинетте шаш бояғаны несі" десе, екінші тарап "онда тұрған не бар, Айнүргүл Нұртайқызы жұмыстан қолы босамайтын, өз ісіне мықты адам", "фотоны не мақсатпен жариялап отырсың, керегі не" - дегенге саятын пікір жазуда.