Қармақшы ауданында әлеуметтік қолдаудың цифрлық моделін енгізу бойынша мәжіліс өтті

Бүгін аудандық мәдениет үйінде Қазақстан Республикасы Еңбек және халықты әлеуметтік қорғау министрлігінің Бірыңғай цифрлық платформасы арқылы әлеуметтік қолдау шараларының бизнес-процестерін цифрландыру бағытындағы мемлекеттік қолдау шараларын бөлудің жаңа моделін енгізу туралы кеңейтілген мәжіліс өтті, - деп хабарлайды "Opennews.kz" ақпарат агенттігі..

Жиында аудан әкімінің орынбасары Самат Қыдырбекұлы ашып, әлеуметтік саланы жетілдіру бағытында көрсетілетін қызметтердің халыққа тиімділігі жайында атап өтті.

Мәжіліске Мәдениет және ақпарат министрлігінің жанынан құрылған Отбасын қолдау орталықтарының жұмысын жетілдіру жөніндегі жобалық кеңсенің басшысы – Фарида Сағындыққызы арнайы іссапармен келіп, негізгі мәселеге байланысты өткізілетін оқытудың мақсаттары мен жоспарлары бойынша баяндама жасады.

Жиын барысында отбасылық және әлеуметтік саясатты жетілдіру, FSM Social және Socium ААЖ секілді заманауи цифрлық платформаларды енгізу арқылы мемлекеттік қолдау шараларын тиімді әрі нақты бағытта ұсыну мәселелері талқыланды.

Қармақшы ауданында әлеуметтік көмекті әділ, ашық және тиімді түрде тағайындауға бағытталған «Әлеуметтік қолдаудың цифрлық моделі» жобасын енгізу бойынша арнайы мәжіліс өтті. Жиынға аудан басшылығы, мемлекеттік органдардың өкілдері, ауылдық округ әкімдері, жұмыспен қамту және әлеуметтік бағдарламалар бөлімі, Халыққа қызмет көрсету орталығы мен ақпараттық жүйелерді қамтамасыз ету саласының мамандары қатысты.

Мақсат – әлеуметтік әділеттілік пен тиімділік

Мәжілісті аудан әкімінің орынбасары ашып, әлеуметтік саясатты цифрландыру – қазіргі мемлекеттік басқарудағы басым бағыттардың бірі екенін атап өтті. Ол бұл жобаның негізгі мақсаты – көмекке мұқтаж азаматтарды нақты анықтап, оларға әлеуметтік қолдауды автоматтандырылған жүйе арқылы әділ әрі уақтылы ұсыну екенін жеткізді.

— Әлеуметтік қолдау тек өтініш берушінің сөзіне емес, нақты цифрлық деректерге сүйеніп көрсетілуі керек. Бұл – бір жағынан артық әкімшілік рәсімдерді қысқартып, екінші жағынан – шын мұқтаж азаматтарға уақытылы көмек көрсетуге мүмкіндік береді, – деді ол.

Жиында облыстық жұмыспен қамтуды үйлестіру және әлеуметтік бағдарламалар басқармасынан келген мамандар пилоттық жоба аясында енгізілетін «Әлеуметтік карта», «Е-Асар», «Отбасы цифрлық картасы» сияқты ақпараттық жүйелердің жұмыс істеу механизмін таныстырды. Бұл жүйелер азаматтардың табысы, мүлкі, әлеуметтік жағдайы туралы деректерді біріктіріп, көмек түрлерін автоматты түрде ұсынуға жағдай жасайды.

Цифрлық модель аясында мұқтаж азаматтар үшін атаулы әлеуметтік көмек, тұрғын үй көмегі, азық-түлік пакеттері мен өзге де қолдаулар ашық түрде тағайындалып, жүйе арқылы бақыланатын болады. Бұл – сыбайлас жемқорлық тәуекелдерін жоя отырып, мемлекеттік қызметтердің сапасын арттыруға бағытталған маңызды қадам.

Жауапты мамандарға нақты тапсырмалар берілді

Мәжіліс барысында ауылдық округ әкімдеріне ақпараттық-түсіндіру жұмыстарын күшейту, цифрлық сауаттылықты арттыру мақсатында халықпен жиі кездесулер өткізу тапсырылды. Сонымен қатар, дербес деректер базасының дұрыс жұмыс істеуін қамтамасыз ету, тұрғындар туралы мәліметтерді нақтылау, ақпараттық жүйелермен жұмыс істеуді үйрену үшін сала мамандарын оқыту қажеттігі айтылды.

Жиын қорытындысында аудан әкімінің орынбасары цифрлық модельдің тиімді жүзеге асуы жергілікті жерлердегі үйлесімді әрекет пен жауапты мамандардың кәсіби дайындығына байланысты екенін атап өтті. Жоба кезең-кезеңімен енгізіліп, алдағы уақытта аудан көлемінде толық іске қосылады деп жоспарлануда.