Некеге мәжбүрлегені үшін әйелдер де жауапкершілікке тартылады
ІІМ орынбасары Санжар Әділов әйел ер адамнан үйленуді талап ететін қандай жағдайларда жауапқа тартылуы мүмкін екенін түсіндірді,- деп хабарлайды Opennews.kz ақпарат агенттігі Stan.kz сайтына сілтеме жасап.
Некеге тұруды талап етудің өзі әрқашан қылмыстық құқықбұзушылық болып саналмайтынын түсіндірген. Қылмыстық жауапкершілікке тарту үшін мән-жайлардың жиынтығы қажет.
"Некеге мәжбүрлеу – 125-1-бап бойынша қылмыс. Әрекетті саралау және оны қылмыстық жауапкершілікке тарту үшін мән-жайлардың жиынтығы қажет", – деді вице-министр.
Оның айтуынша, қылмыстық жауапкершілік деп санаулы жағдайлар қарастырылады.
"Егер қыз оны күйеуге алуды талап етіп, өзі немесе оның жақын туыстары қорқытып, зорлық жасаса, жауапқа тартуға болады. Ал басқа жағдайларда бұл азаматтық қатынас болады", – деді вице-министр.
Бап екі жылға дейін бас бостандығынан айыруды көздейтінін атап өтті. Министрдің айтуынша, жүктілік немесе азаматтық некені тіркеуді талап ету қылмыс болып саналмайды.
Некеге мәжбүрлеу туралы жаңа бап тек әйелдің бостандығына қатысты емес. Белгілі бір жағдайларда ер адам да жәбірленуші бола алады. Әділов бүгінге дейін Қазақстанда мәжбүрлі некеге тұру бабы бойынша әйелге айып тағылған қылмыстық істер тергелмегенін түсіндірген.
