200-ге жуық адам құтқарылды

Нұр-Сұлтан орталығындағы әкімшілік ғимараттан шыққан түтін салдарынан 200-ге жуық адам эвакуацияланды.

 Елордалық төтенше жағдайлар департаментінің баспасөз қызметі мәліметіне сүйенсек, сағат 13:30-да Қабанбай батыр 17 мекенжайынан шұғыл шақырту түскен. 26 өртсөндіруші мен 5 арнайы техника оқиға орнына жіберілген болатын. «Өртсөндірушілер көлік тұрағындағы электр қалқанды сымдардың тұйықталуы салдарынан қою түтін шыққанын анықтады. Қаза болғандар мен зардап шеккендер жоқ. Өрт сөндіру бөлімшелері оқиға болған жерге жеткенге дейін әкімшілік ғимараттан 200-ге жуық адам эвакуацияланды, сондай-ақ бір Audi көлігі қауіпсіз жерге шығарылды», - деп хабарлады ведомство өкілдері.