Қазақстандық ер адам желідегі посты үшін 500 мыңнан астам айыппұл арқалады

Ақтөбе облысының Алғы аудандық сотында Instagram желісінде жала жабу ісі қаралған,- деп хабарлайды Оpennews.kz ақпарат агенттігі.

Ер адам әйелдің ар-намысына, қадір-қасиетіне және іскерлік беделіне нұқсан келтіретін жалған ақпарат таратқаны үшін кінәлі деп танылған. 

Ер адам өзінің Instagram парақшасында жәбірленуші туралы жалған ақпарат жариялаған. Бұл ақпарат оның ар-намысына, қадір-қасиетіне және беделіне нұқсан келтіргені анықталған.

Тыңдау барысында сот құқықбұзушының өз кінәсін толық мойындағанын ескерген. Сондай-ақ ауырлататын мән-жайлардың жоғын атап өткен.

Сот ер адамды Әкімшілік құқықбұзушылық туралы кодекстің 73-3-бабының 2-бөлігі “жала жабу” бойынша кінәлі деп тапқан. Оған 544 950 теңге әкімшілік айыппұл салынған.

Сот шешімі заңды күшіне енген.