Қызылорда қыздары түнгі клубтан жаппай бас тартып жатыр

Қызылорда жастары арасында түнгі клубтарға деген көзқарас өзгеріп келеді. Әлеуметтік желілерде кейбір қыздар клубқа барудан саналы түрде бас тартып жүргендерін айтып, оның бірнеше себебін атауда, - деп хабарлайды  Opennews.kz ақпарат агенттігі.

Олардың сөзінше, түнгі клубтардағы алкоголь, мас күйдегі адамдар арасындағы жанжал мен төбелес және түнгі өмірге қатысты қалыптасқан жағымсыз стереотиптер мұндай орындарға деген қызығушылықты азайтады.

Тағы бір айтылатын пікір — мақсаты бар, өзін дамытуға көңіл бөлетін жастарды түнгі клубтан емес, спорт залынан, білім беру орталарынан, жұмыстан немесе түрлі жобалардан кездестіру ықтималы жоғары деген көзқарас.

Клубқа баратындарды бірден жаман деуге болмайды, бірақ жастар арасында салауатты, пайдалы демалысқа сұраныс артып келеді.

Дегенмен жастар арасында демалыстың басқа түрлерін — спорт, саяхат, кофехана, кино және пайдалы ортада уақыт өткізуді таңдайтындар бар.

Ал сіз қалай ойлайсыз: түнгі клубтардың заманы өтіп бара жатыр ма?