Ер адам әйелінің суретіне лайк басқан жігіттің қуығын екі жерінен пышақтап кеткен

Батыс Қазақстан облысында ер адам әйелінің Instagram-дағы фотосына лайк басқан адамды пышақпен жарақаттағаны үшін шартты жазаға тартылған,- деп хабарлайды Оpennews.kz ақпарат агенттігі.

Жәнібек аудандық сотында Қылмыстық кодексnің 106-бабының 1-бөлігінде көзделген қылмыстық құқық бұзушылықты жасады деп айыпталған ер адамға қатысты қылмыстық іс қаралған.

Салдарынан жәбірленушінің денсаулығына ауыр зиян келген. Атап айтқанда, ішкі ағзалардың зақымдануымен іштің алдыңғы қабырғасының кіндік тұсында іш қуысына еніп кеткен пышақ жарақаты анықталған.

️Сотталушы өз кінәсін толық мойындап, жасаған ісіне өкініп, жәбірленушіден кешірім сұраған. Сондай-ақ мұндай әрекетті бұдан былай қайталамайтынын айтып, бас бостандығынан айырмауды сұраған.

Мемлекеттік айыптаушы сотталушыға үш жыл мерзімге бас бостандығынан айыру жазасын тағайындауды сұраған.

Сот сотталушыны ҚК-нің 106-бабы 1-бөлігінде көзделген қылмыстық құқық бұзушылықты жасағаны үшін кінәлі деп танып, 3 жыл мерзімге бас бостандығынан айыру жазасын тағайындалған.

️Сонымен қатар, ҚК-нің 63-бабына сәйкес, тағайындалған жаза шартты түрде деп есептеліп, сотталған адамға 3 жыл мерзімге пробациялық бақылау белгіленген.

Оған бірқатар міндеттер жүктелді: пробация қызметін хабардар етпей тұрақты тұрғылықты жерін және жұмыс орнын өзгертпеу; алкогольдік ішімдіктер сатылатын қоғамдық орындарға (кафелерге, барларға, мейрамханаларға) бармау; пробация қызметін хабардар етпей тұрақты тұрғылықты жерінен басқа елді мекендерге шықпау; түнгі уақытта, яғни сағат 22:00-ден 06:00-ге дейін үйінде болу; қасақана құқық бұзушылықтар жасамау.

Сот үкімі заңды күшіне енді.