Колониядан 20 жастағы сотталушының мәйіті табылды

Павлодардағы колониялардың бірінен 20 жастағы сотталушының мәйіті табылды. Ол кәмелетке толмаған қызбен жыныстық қатынасқа түскені үшін 12 жылға бас бостандығынан айырылған, - деп хабарлайды Opennews.kz  ақпарат агенттігі.

Оқиға 2025 жылы басталған. Сол кезде 19 жастағы жігіт 15 жастағы мектеп оқушысымен Instagram арқылы танысып, кейін қыздың үйінде кездескен. Арада жыныстық қатынас болған. Қыздың анасы бұл жағдайды біліп, полицияға арызданған.

Сот үкімімен жігіт биыл сәуірде 12 жылға сотталған.

Қылмыстық-атқару жүйесі департаментінің мәліметінше, сотталушы өзіне қол жұмсаған. Аталған факті бойынша қылмыстық іс қозғалып, тергеу амалдары жүргізіліп жатыр.